U POSTE FISSE
Huagli’o u poste fisse nun g’è ! nu pèrde tiempe !
Se nun tiene pariente particulare, cu a P maiuscula…
U poste te l’e’ sule sunna’ ! Nun g’ha puo fa’ !
Ma po, pensenne buone, u poste fisse è na barba!
Si cundannate a fa’ sèmbe u stesse cose !
A bre’ sèmpe u stesse facce!
Mèglie è cangia’, è chiu’ bèlle,
ng’è chiu’ sfizìi…ng’è l’ emozione !
T’u pozze assicura’…je u sacce!
Roppe ra guerra e pu stesse mutive ru stu Ruimila e passa…
pa crise, ‘sta crise ca ng’a appartène
ca face parte ra vita nosta…
Me ne scappaie a Merica, cerchenne furtuna…
Tutte i mestiere aggia fatte…nun ge crerrite ?
Aggia vennute ra l’acu, l’acu pe cose, fine all’automobile!…
U fruttaiuole, u commerciante re tutte,
fine i beste re femmene,a mesura, aggia cunfeziunate…
a Natale aggia vennute i giocattule ngoppa i marciappiere,
aggia fatte u schaffèrre, u barbiere, u pasticciere,
fine inta Banca..cincu Banche aggia cangiate
E si’ ca ra quanne so’ nate aggia sèmbe sturiate
Pecche’ accussi’ papa’ vulìa…
T’e’ piglia’ a laurèa tu nun è fa’ a fine mia
nu povere emigrante gerenne u munne…
Sapisse quante m’e’ custata sta cultura stu sturìje !
Cerchenne fatiha! cuma nu resprate, ra ‘na porta a l’ata
Sembe a stessa domanda: che sapite fa’?…
Qual è u mestiere vuoste? ‘Na vita re scola…
Sacce u latine, u Greche…nun me sentite ?
so’ na persona istruita…sacce fa’ tutte
e niente sapìa fa’ ! ‘nu sènza mestiere !...
N’amiche mije , Valentino Mitrotto re Grottaglie, barbiere
cu na furbecetta, ‘nu pèttene… facìa quanta solde vulìa !…
Percio’ parlenne c’u cumbare mio , Dino Cappa
Avucate re mestiere…cu tante re laura !....
Pigliemme a decisione re frequenta’ nu corse re barbiere
Quatte juorne durau u corse nuoste
I cumpagne erane tutte crieture ,
rèriane e ne guardavane cuma animale rare…
U professore , cu tanta crianza, me respiace
avita fatte tarde…site ngumbrande…
sti criature cu bui nun s’embarane! So’ distratte….!
N’ata vota pe n’avvise ngoppa u giurnale
Me presentiette a na fraveca r’ addure
Subbete u patrone me cumandau re purta’ a camiunetta
A stazione re servizìe pe ‘nu lavagge…
e si’ pecche’ u poste era pe bènne u spezie cu sta camiunetta
ca camiunetta nun era, ma quase nu camione….
Mai avia guirate ‘na machina accussi’ grossa
Pero’ tenia besuogne ru poste, avia rischia’…
U mure, u cangiedde distrutte, a camiunetta ammaccata…
Me ne scappiette, nun tenìa remerie !
Percio’ è vere ca se nun cange mestiere nun ge so’ emozioni…
Percio’ u poste fisse a che sèrve ….?
E nata vota facenne u vennetore a nu poste luntane
‘Na specie re deserte….ngera na festa granne ru Prutettore
Nisciune m’accattava…nun g’era tiempe…
i commerciante aviana vènne, nun era u mumente p’i rappresentante…
allora me venne l’idea guardenne mmienz’a a chiazza
cu tanta gente ca se scucciava….subbete annartiette vinte circhiette a mesura,
quatte buttiglie re liquore, nu tavuline…
ogni colpe quatte solde…tutte vuliane tenta’, na folla!…
ma facile nun era p’angappa a buttiglia !
Sule nun g’ia facìa…sti circhiette zumbavane
e avia scappa appriesse p’angappa’…Pe furtuna
nu taliane c’assestìa a sta sceneggiata…cu l’uocchie spalangate
se fèce sènte e subbete u mmetiette pe ‘na societa’…
e me salviette ra stu prublema gruosse!..
pero’’ mai mancane i guasta juoche….arriva a polizia
e me cuntesta i buttiglie alcolicheMa nge pezate ? buttiglie siggillate!
“si Mussiu’, Cume ngia rraggiune cu chiste? E accussi’ fenìu u juoche ri buttiglie….
Tenesse nu muntone re cose, cose vere! Pero’
a facime troppe longa sta canzona !
Na cosa è certa mai u poste fisse!…….
E sembe meglie a fa’ u patrone e pure u dipendente
Ma senza cumprumesse…senza viulenza……. Senza a pruputenza…
Nessun commento:
Posta un commento